UPG Paint Academy မှ နှုတ်ခွန်းဆက်သအပ်ပါသည်။
UPG Paint Academy သည် ပုဂ္ဂလိက သက်မွေးဝမ်းကြောင်းဆိုင်ရာ သင်တန်းကျောင်းတစ်ခု ဖြစ်ပါသည်။ ဤသင်တန်းကျောင်းကို မြန်မာ့သုတ်ဆေးလောက၌ နှစ် ၃၀ကြာ ဈေးကွက်ဦးဆောင်ကုမ္ပဏီအဖြစ် ရပ်တည်လာခဲ့ သော United Paints Group Co., Ltd. (UPG) မှ မွေးဖွားခဲ့ခြင်း ဖြစ်ပါသည်။ UPG ၏ ရေရှည်တည်တံ့ခိုင်မြဲရေး (Sustainability) ဆိုင်ရာသန္နိဌာန်တို့မှ UPG Paint Academy နှင့် ၎င်း၏ ပန်းတိုင်များကို ရုပ်လုံးပေါ်စေခဲ့ပါသည်။
ဤသင်တန်းကျောင်းကို မြန်မာသုတ်ဆေးလောကအတွင်း လုပ်ငန်းဆိုင်ရာအရည်အသွေး (Competence) နှင့် ပညာရပ်ဆိုင်ရာကျွမ်းကျင်ပိုင်နိုင်မှု (Professionalism) တို့ တိုးတက်လာစေရန်အတွက် လည်းကောင်း၊ ပတ်ဝန်းကျင်ထိန်းသိမ်းရေးအပါအဝင် ကမ္ဘာကြီးရေရှည်တည်တံ့ခိုင်မြဲစေရေး (Sustainability) အတွက် တာဝန်သိအလေ့အထများ ထွန်းကားလာစေရန်အတွက်လည်းကောင်း တည်ထောင်ရခြင်း ဖြစ်ပါသည်။
UPG Paint Academy သည် အကျိုးအမြတ်ကိုအလေးမထားပဲ လုပ်ငန်းဆိုင်ရာပညာရပ်တို့ကို ဤအွန်လိုင်းသင်ကြားစီမံမှုစနစ် (Learning Management System - LMS)၊ စာသင်ခန်းများနှင့် လက်တွေ့ခန်းများမှတဆင့် မျှဝေပို့ချသွားမည် ဖြစ်ပါသည်။ သင်တန်းများကို UPG ကုမ္ပဏီလုပ်ငန်းစုကြီး၏ ဝန်ထမ်းများနှင့် မြန်မာ့သုတ်ဆေးလောကအတွင်းပါဝင်သူများအတွက် ဦးတည်ရေးဆွဲထားပါသည်။
အောင်မြင်မှုလမ်းကြောင်းဆီသို့၊ ကျွန်ုပ်တို့နှင့်အတူ ချီတက်ကြပါစို့။
